आइतबार सिमरा महोत्सबमा चर्चित गायक हेमन्त शर्मा, रमेश राज भट्टराई र चिरन्जिबि भन्डारीले प्रस्तुति दिदै

0
1255

चैत्र ११ काठमाडौँ | प्रथम सिमरा औधोगिक ब्यापार मेला तथा खेलकुद महोत्सब २०७४ को तेस्रो दिन अर्थात चैत्र ११ गते आइतबार चर्चित गायक हेमन्त शर्मा, चर्चित गायक रमेश राज भट्टराई, गायक चिरन्जिबी भण्डारी, चर्चित ब्याण्ड आरम्भ ब्याण्ड, हास्य कलाकार गणेश केसी, गायक रमेश श्रेष्ठ मेलोडी तथा स्थानिय कलाकारहरुको बेजोड प्रस्तुति रहने भएको छ l सिमरा क्षेत्र आफैमा एक व्यापारिक पर्यटन तथा धार्मिक सस्कृतिको बिबिधताले भरिएको प्रमुख औधोगिक शहर भएकोले यस क्षेत्रको समग्र हितलाई मध्यनजर राखेर प्रथम सिमरा औधोगिक ब्यापार तथा महोत्सब २०७४ गरिएको कुरा महोत्सबका संयोजक हरि चौधरी बताउछन l यस महोत्सवले सम्पुर्ण बारा, बिरगंज देखि हेटौडा सम्मका स्थानियबासिहरुलाई सर्ब सुलभ तरिकाले सम्पुर्ण सामानहरु एउटै थलोमा उपलब्ध गराउने उदेश्यले सुरु गरिएको मेलाले समग्र सिमराबासीलाई प्रत्यक्ष तथा अप्रत्यक्षरुपमा फाइदा पुर्याउने भएको छ l

लामो समय देखि नेपालका विभिन्न जिल्लाहरुमा औधोगिक तथा व्यापार मेला गर्दै आएको सस्था औधोगिक शान्ति नेपाल सस्था र नब दुर्गा युवा क्लब सिमरा बाराको संयुक्त आयोजनामा प्रथम सिमरा औधोगिक ब्यापार मेला तथा खेलकुद महोत्सब २०७४ चैत्र ९ गते बाट चैत्र १९ गते सम्म आयोजना भएको हो l सिमरा आफैमा एक व्यापारिक धार्मिक, सास्कृतिक, र पर्यटकीय दृस्टीकोणले महत्वपुर्ण स्थल रहेको छ यसै अनुरुप यस मेलाले सिमराको आन्तरिक तथा बाह्य पर्यटनमा बृदी गरि आर्थिक रुपले पनि मजबुत बनाउने र सिमरा क्षेत्रलाइ राष्ट्रिय तथा अन्तरास्ट्रिय रुपमा चिनाउन मद्दत पुग्ने कुराको जानकारी महोत्सबका ब्यबस्थापक सैलेश राज आचार्यले गराए l
उक्त मेलामा ३ सय स्टलहरु रहने र सम्पूर्ण दैनिक उपभोग्य खाद्यान्नका समानहरु देखि लिएर लत्ता कपडा, जुत्ताहरु, कृषि तथा हस्तकलाका समानहरु, भाडाकुडाहरु, एकै ठाउमा सर्ब सुलभ तरिकाले पाउने र त्यसै गरि अटो मोबाइल, विभिन्न ब्रान्डका मोबाइल अन्य इलोक्ट्रोनिक्स समानहरु पनि उपलब्ध हुने र मेलामा बिक्रि वितरण गर्न राखिएको समानहरुमा २५ देखि ५० प्रतिसत सम्म छुटको ब्यबस्था छ भने मेलामा प्रवेश शुल्क रु ३० मात्र रहेको जानकारी पनि ब्यबस्थापन कमिटीले गराएको छ l
प्रथम सिमरा औधोगिक ब्यापार मेला तथा खेलकुद महोत्सब २०७४ मा करिब २ लाख उपभोक्ताले मेलाको अबलोकन गर्ने अनुमान गरिएको र उक्त मेलामा ४ दर्जन भन्दा बेसी राष्ट्रिय तथा स्थानीय कलाकारहरुले आफ्नो मनोरन्जनात्मक कला, गायन कला प्रस्तुत गर्ने छन भने सिमरा आईडल, डान्स प्रतियोगिता, निशुल्क स्वास्थ्य शिविर, भेट्रान्स फुटबल प्रतियोगिता, एक दिने मैत्रिपुर्ण महिला फुटबल प्रतियोगिता, कुस्ती प्रतियोगिता, साथमा चर्चित लोक गायक गायिकाहरु द्धारा दोहोरी गित प्रस्तुतका साथै स्थानीय कलाकारहरुको बेजोड प्रस्तुती रहनेछ । बालबालिकाहरुको लागि पनि छुट्टै बाल उद्दान, रोटे पिङ्ग, मारुती सर्कस, कोलम्बस, चिडियाघर, जादु तथा अन्य खेल सामग्री समेत रहेको जानकारी औधोगिक शान्ति नेपाल सस्थाका अध्यक्ष्य सन्दिप महतले गराए साथै उक्त मेला अबलोकन गरि आन्तरिक तथा बाह्य व्यापार ब्यबसाय र धार्मिक सास्कृतिक पर्यटनलाइ प्रबर्धन गर्न सम्पूर्ण नेपाली समुदायलाइ उनले आव्हान गरेका छन् l औधोगिक शान्ति नेपाल सस्थामा अध्यक्ष्यमा सन्दिप महत, उपाधक्ष्यमा राज कुमार खड्का, महासचिबमा शंकर गुरुङ , कोषाधक्ष्यमा प्रितम मल्ल तथा सचिबालय ब्यबस्थापकमा बिनोद जैसवाल रहेको छन l

महोत्सवमा भेट्रान्स क्लब सिमरा, नेपाल पर्यटन बोर्ड काठमाण्डौ, प्रधानमन्त्री कृषि आधुनिकीकरण परियोजना काठमाण्डौ र जीतपुरसिमरा उप–महानगरपालिका रहेको छ । महोत्सवलाई गोर्खा बु्रअरीको उत्पादन टुर्वोग बियरले मुख्य प्रायोजन गरेको छ भने क्याल गु्रप विरगञ्ज, जगदम्बा स्टिल
प्रा.लि, हामा आईरन स्टिल प्रा.लि, सुर्य नेपाल प्रा.लि र तराई यातायात व्यवसायी संघ सिमराले प्रायोजन गरेको आयोजक मुल समारोह समितिका अध्यक्ष हरी चौधरीले जानकारी गराएका छन । महोत्सवमा हाम्रो समन क्याम्प हेटौडा ईभेन्ट पार्टनरको रुपमा रहेको छ भने ए वान समाचार डटकम ,सिएनएनइ न्युज डटकम र नेपाल समाचार दैनिक डट कम मिडिया पार्टनरको रुपमा रहेको छ ।

महोत्सवमा हेलिकप्टर समेत ल्याउने तयारी गरिएको छ । हेलिकप्टर चढ्न प्रति व्यक्ति ५, ५०० रुपैया निर्धारण गरिएको कुरा मेलाका ब्यबस्थापक अर्यालले जानकारी दिए । ‘आपसी सद्भावको पहिचान सिमरालाई नमुना एवं व्यापारिक केन्द्र बनाउने हाम्रो अभियान’ भन्ने मुल नाराका साथ सिमरा रंगशालामा महोत्सव सुरु भएको यस मेलाको प्रेस संयोजक प्रदिप गौतम रहेका छन ।

LEAVE A REPLY

Please enter your comment!
Please enter your name here