आफु भन्दा १२ बर्ष जेठी मलाइका अरोडा संग : अभिनेता अर्जुन कपुरले बिबाह गर्दै |

0
522

कार्तिक १२ काठमाण्डौ | ४० वर्ष नाघिसकेकी मलाइकाभन्दा अर्जुन १२ वर्षले कान्छा हुन् । मलाइकाले गत वर्ष अरवाज खानसँग सम्वन्धविच्छेद गरेकी थिइन् । उनका १५ वर्षका लाठे छोरासमेत छन् । अर्जुन भने अविवाहित हुन् ।

तर पनि बलिउड अभिनेत्री मलाइका अरोडा र अभिनेता अर्जुन कपुर अन्ततः प्रेममा खुल्न थालेका छन् । उनीहरुले अर्को वर्ष बिहे गर्ने भारतीय मिडियाहरुको दावी छ ।

हालै मिलन एयरपोर्टमा उनीहरु एकसाथ देखिएका थिए । मिडियाको अगाडि एक-अर्कासँग दुरी बनाएर कुरा गरेका उनीहरुले अली पर गएपछि एक-अर्काको हात समातेका थिए । उनीहरु हात समातेर हिँडेको भिडियो अहिले भाइरल बनिरहेको छ । उनीहरुको जोडीलाई ‘अमिल्दो’ भन्दै सामाजिक सञ्जालमा धेरैले ट्रोलसमेत गरेका छन् ।

मलाइका अर्जुनसँग सल्केको कारणले नै अरवाजले उनीसँग सम्वन्धविच्छेद गरेका थिए । अरवाजसँग सम्वन्धमा रहँदासम्म अर्जुनसँगको प्रेम गोप्य राखेकी मलाइकालाई अहिले कसैको डर छैन । त्यसैले उनीहरु बारम्बार एकसाथ स्पट भइरहेका छन् ।

यता अरवाजको कुरा गर्ने हो भने उनी पनि खाली बसेका छैनन् । उनी रोमानियाकी सुन्दरी जर्जिया एन्ड्रियानीसँग प्रेममा छन् । उनीहरु पनि चाँडै बिहे गर्न सक्छन् । अरवाजले एन्डि्रयासँग आफ्नो प्रेम सार्वजनिकरुपमा स्वीकारिसकेका छन् ।

मलाइका र अरवाज २१ वर्षसम्म दाम्पत्य सम्वन्धमा थिए । तर, अरवाजको फिल्मी करिअर उँभो लाग्न नसकेपछि मलाइका उनीसँग असन्तुष्ट बनेकी थिइन् ।

LEAVE A REPLY

Please enter your comment!
Please enter your name here