गाउँपालिका सचिवविहीन

0
604

कावासोती, ५ मङ्सिर नवलपरासी नवलपुरको बुलिङटार गाउँपालिका एक वर्षदेखि सचिवविहीन बनेको छ । गाउँपालिकामा रहेका वडा कार्यालयमा एक वर्षदेखि सचिव नहुँदा सेवाग्राहीलाई समस्या भएको छ ।

गाउँपालिकामा छ वडा छन् । छवटै वडामा एक वर्षदेखि सचिव भने छैनन् । वडासचिव नहँुदा वडाबाट हुने काम प्रभावित हुने गरेका छन् । नवलपुरको विकट पहाडी क्षेत्रमा रहेको यस गाउँपालिकामा वडासचिव नहँुदा स्वास्थ्यका कर्मचारीको सहयोग लिएर काम गर्दै आएको गाउँपालिका अध्यक्ष शशीकिरण वस्ताकोटीले जानकारी दिनुभयो । उहाँका अनुसार पंजिकाको काम स्वाथ्यका कर्मचारीसँग सहयोग मागेर गर्दै आएका छौँ, अध्यक्ष वस्तोकाटीले भन्नुभयो, “नियमित रूपमा बस्ने वडासचिव भएजस्तो काम हँुदैन, यसले समस्या सिर्जना भएको छ ।”

वडामा सचिव नहुँदा स्थानीयवासीलाई समस्या भएको आफूले महसुस गरे पनि वडासचिवको व्यवस्थापन हुन नसक्दा समस्या पर्दै आएको अध्यक्ष वस्ताकोटीले बताउनुभयो । वडासचिवको व्यवस्थापनका लागि जिल्ला समन्वय समिति कार्यालय, जिल्ला प्रशासन कार्यालयलगायत सम्बन्धित निकायसँग पटकपटक आग्रह गर्दा पनि कर्मचारीको व्यवस्थापन हुन नसकेको उहाँले बताउनुभयो ।
पहाडी विकट क्षेत्र भएकाले कर्मचारी कामका लागि आउन नखोज्ने र सम्बन्धित निकायले समेत चासो नदिँदा समस्या सिर्जना भएको अध्यक्ष वस्ताकोटीले बताउनुभयो ।

मिर्गाैलापीडितलाई सहगोग

नवलपरासीको गैँडाकोट बस्ने मिर्गाैलापीडित शक्तिप्रसाद चालिसेलाई नवलपुर समाज जापानले आर्थिक सहयोग प्रदान गरेको छ ।

नवलपुर समाज जापानले पीडित चालिसेलाई रु ४० हजार सहयोग हस्तान्तरण गरेको हो । तीन वर्षदेखि साउदीअरबमा रोजगारी गर्दै आउनुभएका चालिसेको दुवै मिर्गाैला फेल भएपछि कम्पनीले गत साउनमा घर फिर्ता पठाएको थियो ।
नवलपुर समाज जापानले चालिसेलाई उपचारमा सहयोग पु¥याउने उद्देश्यले रकम सङ्कलन गरी हस्तान्तरण गरेको समाजकी उपाध्यक्ष लक्ष्मी सापकोटाले जानकारी दिनुभयो । मिर्गाैलापीडित चालिसेको परिवारले उपचारमा सहयोगका लागि सबैमा आग्रहसमेत गरेको छ ।
(रासस)

LEAVE A REPLY

Please enter your comment!
Please enter your name here